نٓ۔ قلم کی اور جو (اہل قلم) لکھتے ہیں اس کی قسم
Fateh Muhammad Jalandhari68. Al-Qalam
The Pen · Makki · 52 ayahs · Indo-Pak page 564 · Madani page 564
قلم
سُورَةُ القلم
بِسْمِ اللّٰهِ الرَّحْمٰنِ الرَّحِيْمِ
کہ (اے محمدﷺ) تم اپنے پروردگار کے فضل سے دیوانے نہیں ہو
Fateh Muhammad Jalandhariاور تمہارے لئے بے انتہا اجر ہے
Fateh Muhammad Jalandhariاور اخلاق تمہارے بہت (عالی) ہیں
Fateh Muhammad Jalandhariسو عنقریب تم بھی دیکھ لو گے اور یہ (کافر) بھی دیکھ لیں گے
Fateh Muhammad Jalandhariکہ تم میں سے کون دیوانہ ہے
Fateh Muhammad Jalandhariتمہارا پروردگار اس کو بھی خوب جانتا ہے جو اس کے رستے سے بھٹک گیا اور ان کو بھی خوب جانتا ہے جو سیدھے راستے پر چل رہے ہیں
Fateh Muhammad Jalandhariتو تم جھٹلانے والوں کا کہا نہ ماننا
Fateh Muhammad Jalandhariیہ لوگ چاہتے ہیں کہ تم نرمی اختیار کرو تو یہ بھی نرم ہوجائیں
Fateh Muhammad Jalandhariاور کسی ایسے شخص کے کہے میں نہ آجانا جو بہت قسمیں کھانے والا ذلیل اوقات ہے
Fateh Muhammad Jalandhariطعن آمیز اشارتیں کرنے والا چغلیاں لئے پھرنے والا
Fateh Muhammad Jalandhariمال میں بخل کرنے والا حد سے بڑھا ہوا بدکار
Fateh Muhammad Jalandhariسخت خو اور اس کے علاوہ بدذات ہے
Fateh Muhammad Jalandhariاس سبب سے کہ مال اور بیٹے رکھتا ہے
Fateh Muhammad Jalandhariجب اس کو ہماری آیتیں پڑھ کر سنائی جاتی ہیں تو کہتا ہے کہ یہ اگلے لوگوں کے افسانے ہیں
Fateh Muhammad Jalandhariہم عنقریب اس کی ناک پر داغ لگائیں گے
Fateh Muhammad Jalandhariہم نے ان لوگوں کی اسی طرح آزمائش کی ہے جس طرح باغ والوں کی آزمائش کی تھی۔ جب انہوں نے قسمیں کھا کھا کر کہا کہ صبح ہوتے ہوتے ہم اس کا میوہ توڑ لیں گے
Fateh Muhammad Jalandhariاور انشاء الله نہ کہا
Fateh Muhammad Jalandhariسو وہ ابھی سو ہی رہے تھے کہ تمہارے پروردگار کی طرف سے (راتوں رات) اس پر ایک آفت پھر گئی
Fateh Muhammad Jalandhariتو وہ ایسا ہوگیا جیسے کٹی ہوئی کھیتی
Fateh Muhammad Jalandhariجب صبح ہوئی تو وہ لوگ ایک دوسرے کو پکارنے لگے
Fateh Muhammad Jalandhariاگر تم کو کاٹنا ہے تو اپنی کھیتی پر سویرے ہی جا پہنچو
Fateh Muhammad Jalandhariتو وہ چل پڑے اور آپس میں چپکے چپکے کہتے جاتے تھے
Fateh Muhammad Jalandhariآج یہاں تمہارے پاس کوئی فقیر نہ آنے پائے
Fateh Muhammad Jalandhariاور کوشش کے ساتھ سویرے ہی جا پہنچے (گویا کھیتی پر) قادر ہیں
Fateh Muhammad Jalandhariجب باغ کو دیکھا تو (ویران) کہنے لگے کہ ہم رستہ بھول گئے ہیں
Fateh Muhammad Jalandhariنہیں بلکہ ہم (برگشتہ نصیب) بےنصیب ہیں
Fateh Muhammad Jalandhariایک جو اُن میں فرزانہ تھا بولا کہ کیا میں نے تم سے نہیں کہا تھا کہ تم تسبیح کیوں نہیں کرتے؟
Fateh Muhammad Jalandhari(تب) وہ کہنے لگے کہ ہمارا پروردگار پاک ہے بےشک ہم ہی قصوروار تھے
Fateh Muhammad Jalandhariپھر لگے ایک دوسرے کو رو در رو ملامت کرنے
Fateh Muhammad Jalandhariکہنے لگے ہائے شامت ہم ہی حد سے بڑھ گئے تھے
Fateh Muhammad Jalandhariامید ہے کہ ہمارا پروردگار اس کے بدلے میں ہمیں اس سے بہتر باغ عنایت کرے ہم اپنے پروردگار کی طرف سے رجوع لاتے ہیں
Fateh Muhammad Jalandhari(دیکھو) عذاب یوں ہوتا ہے۔ اور آخرت کا عذاب اس سے کہیں بڑھ کر ہے۔ کاش! یہ لوگ جانتے ہوتے
Fateh Muhammad Jalandhariپرہیزگاروں کے لئے ان کے پروردگار کے ہاں نعمت کے باغ ہیں
Fateh Muhammad Jalandhariکیا ہم فرمانبرداروں کو نافرمانوں کی طرف (نعمتوں سے) محروم کردیں گے؟
Fateh Muhammad Jalandhariتمہیں کیا ہوگیا ہے کیسی تجویزیں کرتے ہو؟
Fateh Muhammad Jalandhariکیا تمہارے پاس کوئی کتاب ہے جس میں (یہ) پڑھتے ہو
Fateh Muhammad Jalandhariکہ جو چیز تم پسند کرو گے وہ تم کو ضرور ملے گی
Fateh Muhammad Jalandhariیا تم نے ہم سے قسمیں لے رکھی ہیں جو قیامت کے دن تک چلی جائیں گی کہ جس شے کا تم حکم کرو گے وہ تمہارے لئے حاضر ہوگی
Fateh Muhammad Jalandhariان سے پوچھو کہ ان میں سے اس کا کون ذمہ لیتا ہے؟
Fateh Muhammad Jalandhariکیا (اس قول میں) ان کے اور بھی شریک ہیں؟ اگر یہ سچے ہیں تو اپنے شریکوں کو لا سامنے کریں
Fateh Muhammad Jalandhariجس دن پنڈلی سے کپڑا اٹھا دیا جائے گا اور کفار سجدے کے لئے بلائے جائیں گے تو سجدہ نہ کرسکیں گے
Fateh Muhammad Jalandhariان کی آنکھیں جھکی ہوئی ہوں گی اور ان پر ذلت چھا رہی ہوگی حالانکہ پہلے (اُس وقت) سجدے کے لئے بلاتے جاتے تھے جب کہ صحیح وسالم تھے
Fateh Muhammad Jalandhariتو مجھ کو اس کلام کے جھٹلانے والوں سے سمجھ لینے دو۔ ہم ان کو آہستہ آہستہ ایسے طریق سے پکڑیں گے کہ ان کو خبر بھی نہ ہوگی
Fateh Muhammad Jalandhariاور میں ان کو مہلت دیئے جاتا ہوں میری تدبیر قوی ہے
Fateh Muhammad Jalandhariکیا تم ان سے کچھ اجر مانگتے ہو کہ ان پر تاوان کا بوجھ پڑ رہا ہے
Fateh Muhammad Jalandhariیا ان کے پاس غیب کی خبر ہے کہ (اسے) لکھتے جاتے ہیں
Fateh Muhammad Jalandhariتو اپنے پروردگار کے حکم کے انتظار میں صبر کئے رہو اور مچھلی (کا لقمہ ہونے) والے یونس کی طرح رہو نا کہ انہوں نے (خدا) کو پکارا اور وہ (غم و) غصے میں بھرے ہوئے تھے
Fateh Muhammad Jalandhariاگر تمہارے پروردگار کی مہربانی ان کی یاوری نہ کرتی تو وہ چٹیل میدان میں ڈال دیئے جاتے اور ان کا حال ابتر ہوجاتا
Fateh Muhammad Jalandhariپھر پروردگار نے ان کو برگزیدہ کرکے نیکوکاروں میں کرلیا
Fateh Muhammad Jalandhariاور کافر جب (یہ) نصیحت (کی کتاب) سنتے ہیں تو یوں لگتے ہیں کہ تم کو اپنی نگاہوں سے پھسلا دیں گے اور کہتے یہ تو دیوانہ ہے
Fateh Muhammad Jalandhariاور (لوگو) یہ (قرآن) اہل عالم کے لئے نصیحت ہے
Fateh Muhammad Jalandhari* Urdu meaning taken from the same word elsewhere in Quran.com's Urdu word-by-word data, pending scholar review. Where no Urdu meaning exists, the English meaning is shown in grey.